كيك وعسل لكن ماهو في صحون
ودعا ك من عين الحسود غطاك له

الله لايعطيه ناس ينضلون
ويستر علية من النحل لا ياكله

الوصف والتعبير في وصفه يخون
غير اطلب الله يستجيب دعاك له

وعذال قلبك في محبته يهبون
سكينهم عن قطع حبله حاكله

ناس عن اعراض العرب مايعرضون
ودايم على نفس الشكل والشاكله

اللي من لحوم الاوادم ياكلون
وحلوقهم دفع البلا متواكله

في سلمهم اولى بالاكل الاقربون
واطيبهم اللي صيدته شكواك له

عازمهم الشيطان للذنب ويجون
هــــذا يــقطـع لـــه وذاك يــواكله

ياجعلهم فدوة ثرا الغض الفتون
اللي على الدرب الطويل خطاك له

طيفه الى نام البشر زارك بهون
وطيـفك الى نــام الـبشر سراك له

حبه دفان ومقبرة خضر الطعون
بـيـن العظام الـعوج كنك ناكله

اللي كذا.. حبه لو تموت مغبون
ولا لك الا الصبر وش وداك له